كتير نفسي أبكي بمرارة وكتير ما بأقدر ... ما عرفت السبب ولكن لما سألت حكولي :
" هل أنتِ قاسية القلب ..؟!"
استغربت وما كنت متوقعه هذا الجواب ولكن بحثت عن الجواب بداخلي فقلت :" ربما .."
لكن كمان نفيت هالسبب لأنه مش صحيح ولا حقيقي .. أنا بالأول وبالآخر انسانه وكتير بتتحكم بي عواطفي
فمش معقول أكون قاسية القلب ..
كنت زمان بأبكي وبمرارة شديدة جداً ولأتفه الأسباب كمان بس كنت حريصه على ان أكون داخل غرفتي ومغلقة الباب وياريت في الظلام ... بعد وقت صرت أشوف أنه الدموع علامة ضعف فصرت أمنع نفسي أنه أعيط ويمكن شيء غريب لأنه ما حدا كان يعرف انه أنا بأقضي ساعات طويله بأضل أعيط فيهم فليش أمنع حالي من العياط ؟!
لكن بجد وصلت في مرحلة انه حتى ما بدي أشوف حالي ضعيفه بالمرة حتى قدام نفسي ... كنت بأقصد الدموع دليل ضعف ..
فكرة سيئه ومؤلمه لاعتقادي انه ضعف لانه فعلا قدرت أمنع حالي ولكن صارت الهموم تتكوم بقلبي وكأنه كومة حجاار كثيرة مش قادرة أتنفس منها حاولت أعيط ما قدرت ... حاولت أكتب ما اكتفيت ...وكنت بدي أحكي لأي حدا وأي حدا عن كل شي جواتي لكن وقفت وفكرت كتير وقلت :
" لا لا يمكن لو بدي أموت ما بعملها ..."
لكن ضليت بورطه مخنوقه ومش عارفه كيف أتخلص من الجبل اللي صار جواتي فلقيت نفسي :
" صرت أضحك ع الفاضي والمليان كأسلوب للتنفيس مش أكثر.."
لكن هالشي صورني قدامهم كلهم اني بليدة وما بحس بغيري لأني كنت فعلا أضحك على أي شي حتى في المصايب لكن ما حدا فهمني انه فعلا أنا مش قادرة أعبر عن اللي جواتي الا بهاي الطريقه اللي هو الضحك ...
صرت اشوف نظرات كل اللي حوليا استغراب واستنكار هالشي يمكن أزعجني شوي بس بعدين صار يفرحني لانهم هم بالذات لما كنت أعيط بمرارة ما كان حدا يحس فيني ويلاقيلي حلول لهمومي لحتى أنا أحس فيهم ؟!
شيء غريب جدا انه احس بحدا ما بحس فيني مش من طبيعتي لانه طبيعتي كتير صعبه وهوو اني لا يمكن انه اسرف من عواطفي واعطيها بجد الا لما الاقي اهتمام من غيري ....
ما بحب النفاق وما بعرف أجامل وفي أحسن الأحوال كنت انسحب من كتير مواقف لحتى ما يلاحظوا اني فعلا ما بحس فيهم لكن فعلا انا بحس لكن المشكله في طريقة التعبير ....
كمان اتعلمت انو ما لازم الواحد فينا يغير احساسو لانه بغير من طبيعته وبصير انسان متصنع ...
ولسه ما قدرت غير اني اضل أضحك وما عرفت كيف أرجع لحتى اعبر عن حزني واختناقي بالدموووع
لكن لازم تعرفوا انا مش بليدة وانا بأحس باللي حوليا ولكن المشكله كالآتي :
في الفرح ........ باضحك
في الهم ......باضحك
في النكد ........ باضحك
في الخوف ...........بأضحك
في كل الأمور ................ضحك في ضحك في ضحك
مش شيء غريب ولا هو شيء ضد الطبيعه ويمكن بتصير مع كتير ناس بس للاسف في ناس ما بتحب حتى تواجه نفسها ...
الضحك ... مش مفهومه سعادة ولا فرح الضحك مفهومه شي بقلبي عم يحترق ولازم أخفف منه
ما كانت هين المشكله ووقفت لاء لاء ولكن في حالات اكتئاب كتيرة بتصيبني وبتستمر معي شهور وبرضو باعبر عنها بالضحك ...
حدا عرف حدا انتبه حدا اهتم مش ناطرة هالشي من حدا لكن بدي كل الناس يفهموووا انه في كتير ناس بتتألم والدموع مش الدليل ..
ممكن يكون الرقص الدليل ممكن يكون اني اغني بصوت عالي الدليل ممكن ايكون انو انشغل بشغلي والعب ويا العيال على المراجيح الدليل ...
الصورة عكس الحقيقه أحياناً ....... بالنهايه ما بفهمني الا نفسي وما بهمني شو ما قالوا المهم اني عندي كتير مواقع واجندات ومدونات بانشر وباكتب فيها كتير ..
لأفهم حالي مش لحتى حدا يفهمني .............بحبكم.
ليست هناك تعليقات:
إرسال تعليق
وجودكـ بشرفني